Lezzayer tilellit ad tidir
Memorandum i yefka ukabar P.P.A. i wegraw n ONU, di taggara n 1948, ibda s wawalen : « La nation algérienne, arabe et musulmane, existe depuis le 7eme siècle ».
Asemres nnig talast n slogan-nni, « Algérie arabe », win inekren amezruy n tmurt tamaziɣt (aẓar, tutlayt, amezruy) isserfa uget n imeɣnasen n tmurt n Iqbayliyen. Ur qbilen tabadut-nni n tmurt-nsen ; ukin-as ttwaḥeqren.
Di taggara n 1948, Amar Ould Hamouda, illa d yiwen seg 5 yinelmaden-nni n tesnawit i yeffɣen ɣer umadaɣ di 1945, issuter i yimeɣnasen isdawiyen i yessen, akken ad arun tazrawt ara yessers i uskasi gar ifassen n ugraw ameqqran, Comité central n P.P.A. Wid iqqimen i tira, llan akk d imeɣnasen n P.P.A. : Ali Yahia Saïd, Mabrouk Belhocine, Yahia Henine, Sadek Hadjerès, Saïd Oubouzar. Amahil-nsen issawḍ ɣer tezrawt-a yuran, idda s tuffirt ɣef sin wudmawen : iffer ɣef temsulta n Fransa, iffer diɣ ɣef tmehla n ukabar P.P.A. Adlis yura s yisem ur nelli, « Idir Elwatani », d isem i yezdin 5 yemyura-nni…
Mabrouk Belhocine.